Rusiye kontrolindeki Aqmescit rayon mahkemesi Aluşta «Hizb ut-Tahrir davasınıñ» mabüsi Eldar Kantimirovnıñ ömür arqadaşı Elvina Üseinovanıñ memuriy davası boyunca istinaf şikâyetni baqtı. Qadı Marina Nazdraçeva, mahkeme icracısınıñ maska taqma emrini yerine ketirmemesinde qanınnıñ qabaatı olmağanına qarar çıqardı ve başlanğıç mahkemeniñ cöreme aqqında qararını lâğu etti. Bunı «Qırım birdemligi» haber etti.
Rusiye kontrolindeki Aqmescit mahkeme rayonınıñ qadısı İlya İşçenko Aluştadaki «Hizb ut-Tahrir davasınıñ» mabüsi Eldar Kantimirovnıñ ömür arqadaşı Elvina Üseinovanıñ memuriy davası boyunca üküm çıqardı.
«Elvina Üseinova qadığa er şey nasıl olğanını aytıp berdi: icracı oña şahsen muracaat etmedi, maska ile bağlı tenbi yapmadı, bunıñ yerine kelip qolundan tutıp, barıp protokol tizdi», — dedi Seyran Kamilov.
Your browser doesn’t support HTML5
Задержание Эльдара Кантимирова
Rusiye kontrolindeki Aqmescit mahkeme rayonınıñ qadısı İlya İşçenko Aluştadaki «Hizb ut-Tahrir davasınıñ» mabüsi Eldar Kantimirovnıñ ömür arqadaşı Elvina Useinovanıñ memuriy davası boyunca üküm çıqardı.
Hatırlatamız, mahkeme vekili bu dava mabüsiniñ apayı Elvina Kantimirovağaqarşı «qadı ya da mahkeme vekiliniñ belgilengen qadı faaliyetiniñ tertibini temin etüv emirlerini yerine ketirmegeni içün» memuriy protokol tizdi.
Mahkeme vekili Kantimirovağa tibbiy maskanı yañlış taqqanını ayttı. Advokatnıñ bildirgenine köre, qadın oña hitap etilgenini birden añlamadı, amma keç oldı, çünki oña qarşı memuriy protokol endi tizilip başladı.
Qırımdaki «Hizb ut-Tahrir davaları»
«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.
«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.