Lübnannıñ paytahtında qurtaruv işleri devam ete (video)
Your browser doesn’t support HTML5
Akimiyetniñ bildirgenine köre, Beyrut limanında ammiaklı selitranıñ patlavına cinaiy emallıq yol açtı. Ükümet madde saqlavından mesüliyetli anbar hadimlerini ev apsine almağa qarar berdi. Avgustnıñ 7-nde eñ az 149 insan patlav neticesinde can berdi. 5000-den çoq kişi yaralandı, tahminen 300 000 insan evine qaytıp olamay. Hatırlatamız, avgustnıñ 4-nde Beyrutta küçlü patlav oldı. Kütleviy haber vastalarında patlav sebebi itinasızlıq oldı, dep haber etilgen edi: kübre ve bombalarda qullanılğan 2750 tonna ammiaklı selitra altı yıl devamında telükesizlik tedbirlerine riayet etilmeyip saqlandı.