Lvivde Rusiye ücümi neticesinde yaralanğanlar bar, dep haber etti şeer yolbaşçısı Andriy Sadovıy.
«Lvivde sesli gece. Duşman şahed ve raketalarnen bir ücüm kerçekleştirdi. Kene, bir ay evelsi olğanı kibi, Ölena Stepanivna soqağına ücüm yapıldı. Yaralanğanlar bar. Patlav dalğası onlarnen evge zarar ketirdi: cam ve damlarğa», – dep yazdı o, Telegramda.
Sadovıy diger yerlerde yanğın haberleri bar, olarnı teşkereler.
Avgustnıñ 21-nde Rusiye quvetleri Mukaçevodaki müessiselerden birine darbe endirdi, 12 kişi yaralandı.
Yerli akimiyetniñ malümatına köre, Zaporijjâda Rusiye darbeleri neticesinde bir qaç sanayı infrastruktura obyektinde zararlar bar. Şimdilik yaralanğanlar yoq.
Rusiye arbiyleri çeşit silâlardan Ukrayina regionlarına muntazam sürette ücüm ete.
Rusiye yolbaşçılığı, Rusiye ordusınıñ, büyük cenk vaqtında, Ukrayina şeerleri ve köyleriniñ grajdan infrastrukturasına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.