Yunan-roma üslübiniñ ukrain küreşçisi qırımtatarı Lenur Temirov 63 kiloğa qadar kategoriyada Oslodaki dünya çempionatında tunç ğalip oldı.
Bu aqta Ukraina yunan-roma küreşiniñ federatsiyası haber ete.
Temirov azerbaycanlı Taleh Mamedovnı yeñdi – 5:4.
«Bu tek menim medalim degil, bu medal bütün qırımtatar halqına, Ukrainağa ait», – dep yazdı sportçı qırımtatarca ve ukraince içtimaiy ağlarda.
Lenur Temirov bu yaz Tokiodaki Olimpiadada iştirak etti. Yarım finalda yaponiyalı küreşçi Keñitiro Fumitağa yutturdı – 1:5. Bundan evel ukrainalı sportı Tokioda eki ğalebe qazandı.
2020 senesi Lenur Temirov Romada keçirilgen Avropa yunan-roma küreşi çempionatınıñ tunç ğalibi oldı.