Rusiye mahkemesi Rusiye casuslıqta qabaatlağan Ukrayına vatandaşı Leniye Umerovanıñ apiste tutuv müddetini uzatuv qararına qarşı imaye şikâyetini qabul etmege razı olmadı. Bu aqta «Suspilne» izaatında advokatı Olga Dinze ayttı.
Uquqçınıñ aytqanına köre, Umerova zor vaziyette, Qırımda qanser hastası olğan babası içün qasevetlene.
«Pek ağır. Beklemekten yoruldı. Babası hasta, onıñ içün pek qasevetlene», – dedi Dinze.
2022 senesi dekabr ayında 25 yaşındaki Leniye Umerova Kıyivden Qırımğa ketmege mecbur edi, çünki babasınıñ qanseri bar. Rusiye sıñırcıları Leniye Umerovanı Gürcistan-Rusiye sıñırından keçken soñ rejim alanı qaidelerini bozğanı sebebinden tuttı.
Üç aydan soñ onı yibergenler, lâkin birden Leniyeni polis patruli vesiqaları olmağanı içün tuttı, dep tarif ete ağası. Rusiye mahkemesi onı 15 künge apiske aldı. Soñra Leniyege qarşı daa eki protokol tizildi.
2023 senesi mayısnıñ 5-nde Moskvanıñ Lefortovo mahkemesi Umerovanı casuslıqta qabaatlap apiske aldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.