Ukrayinanı temsil etken Viktoriya Leleka (Leléka) "Eurovision" yır yarışınıñ finalına keçti – ekinci yarım final neticeleri mayısnıñ 15-ne keçer gecesi ilân etildi.
Finalda iştirak etmek içün 15 memleket yarışlaştı. Ukrayinadan ğayrı, Arnavutlıq, Avstraliya, Bulğaristan, Danimarka, Malta, Qıbrız, Norvegiya, Çehiya ve Romaniya saylandı. Latviya, Azerbaycan, Ermenistan, Lüksemburg ve İsviçre keçemediler.
Birinci yarım final mayısnıñ 12-nde oldı, onıñ neticelerine köre finalda Belçika, Hırvatistan, Finlândiya, Yunanistan, İsrail, Litvaniya, Moldova, Poloniya, Sırbistan ve İsveçiya iştirak etecekler.
Eki etapta da final iştirakçileri jüri qıymetlerine ve diger memleketlerden – yarım final iştirakçileriniñ seyirci reylerine ve temelci memleketlerden (Frenkistan, İtaliya, Büyük Britaniya ve Almaniya) ekisiniñ reylerine köre saylana.
Yarış finalı mayısnıñ 16-nda Viyanada olacaq. Leléka Ridnym yırınen iştirak etti.