Kıyivde Rusiyeniñ ücümi neticesinde elâk olğan ve yaralanğanlar bar, dep bildire şeer akimiyeti.
Tünevin aqşam Desns ve Dnipro rayonlarında patlavlar aqqında belli oldı.
Oktâbrniñ 19-nda saba şeer yolbaşçısı Vitaliy Kliçko, paytahtta üç insan zarar kördi, dep bildirdi: "Olardan ekisi şeer hastahaneleriniñ statsionarlarında buluna. 21 yaşında bir qız elâk oldı".
Daa soñra Kliçko, Solomenskiy rayonında 25 qatlı evniñ birinci qatına da parçalar tüşkenini bildirdi, anda üç insan zarar kördi. Tibbiy yardım olarğa anda yardım etti.
Kıyiv metrosınıñ malümatına köre, şeerge açılğan ateş, metro stansiyasına, yol ve kabel ağına zarar ketirdi.
"Çerniğivska" ve "Lesna" stansiyaları vaqtınca qapalı olacaq. Mında bütün kerekli mütehassıslar çalışa, şu cümleden metro ağları ve yollarınıñ tamiri ve tamiri boyunca mütehassıslar", — dep haber ete metronıñ matbuat hızmeti.
Azatlıq Radiosınıñ jurnalisti Aleks Raufoğlunıñ menbaları bildirdi ki, Kıyivge qarşı atılğan ballistik ücüm bir de bir ihtar berilmeyip yapıldı.
Orta küzniñ 13-nde prezident Volodımır Zelenskıy Ukrayina ortaqları Orta küzniñ 12-nde aqşam Kıyivge Rusiye ballistikasınıñ atıluvı aqqında habe bermegenini bildirgen edi.