İyülniñ 8-nde Kıyivge Rusiye tarafından endirilgen raketa darbesinde elâk olğanlarnıñ sayısı 34 oldı, dep bildirdi iyülniñ 10-nda saba Kıyiv şeer arbiy memuriyetiniñ yolbaşçısı Serğiy Popko.
Daa evel o, hastahanelerde 38 yaralanğan kişi qalğanını bildirdi, olardan altısı ağır alda buluna.
Bundan ğayrı, onıñ aytqanına köre, şeerniñ bala hastahanelerinde Rusiye ücüminden zarar körgen "Ohmatdıt" hastahanesinden altı bala buluna.
Umumen, 100 bala "Ohmadıt" Kıyivniñ ve vilâyetniñ diger tibbiy müessiselerinde tedaviylevde buluna.
İyülniñ 8-nde saba Rusiye ordusı Ukrayinağa kütleviy darbeler endirdi. Rusiye raketalarınıñ ücümine oğrağan obyektler arasında Kıyivdeki "Ohmatdıt" bala hastahanesiniñ odalarından biri de bar edi. Ukrayina sağlıq saqlav naziri Viktor Lâşkonıñ bildirgenine köre, dialisi yapılğan balalar bulunğan bina zarar kördi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.