2013 senesi "skit altını" olaraq belli olğan kollektsiyanıñ artefaktları — başta Bonnada, soñra ise Amsterdamda Allard Pierson Müzeyinde sergilerge çıqarıldı. Olarnı "Qırım: altın ve Qara deñizniñ sırları" adlı ekspozitsiyada kösterdiler.
Kolleksiya beş müessiseniñ eşyalarından ibaret edi: Kıyivdeki Ukrayina tarihı milliy müzeyi ve dört Qırım müzeyi (Tavrida Merkeziy müzeyi, Keriç tarihiy-medeniy qoruğı, Tavrik Hersones Milliy qoruğı ve Bağçasaray tarihiy-medeniy qoruğı).
Ukrayina bütün instantsiyada ğalebe qazanğan mahkeme esnaslarından soñ, noyabrniñ soñunda artefaktlar Ukrayinağa ketirildi ve Ukrayina Milliy tarih müzeyine vaqtınca saqlanmaq içün berildi.
Hazinede Qırımdan 565 eşya numayış etile. Serginiñ açılışında Ukrayina birinci hanımı Olena Zelenska, Ukrayina medeniyet naziri vazifesini eda etken Rostislav Karandayev, Ukrayina tış işler naziri Dmıtro Kuleba ve diger devlet ve medeniyet erbapları, çetel devletlerniñ elçileri bar edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.