İyünniñ 25-nde Kıyivde "Kognitiv işğalden azat etüv strategiyası, ya da Ukrayina vaqtınca işğal etilgen topraqlarda Rusiye siyasetine qarşı ne ile çıqa bile" muzakeresi keçirilecek.
Tedbirniñ teşkilâtçısı — Ukrayina Prezidentiniñ Qırım Muhtar Cumhuriyetindeki Temsilciligi ile işbirlikte Milliy dayanıqlıq ve birdemlik platformasıdır, tedbir saat 11:00-de "Ukrinform" haber agentliginiñ matbuat merkezinde başlanacaq.
Munaqaşa vaqtında iştirakçiler, hususan, Rusiyeniñ kognitiv işğali içün aletleri ve işğal etilgen topraqlardaki deñişmeler dinamikası, kognitiv boşatma strategiyası, em de kognitiv boşatmanıñ içtimaiy birdemlikni quvetleştirüvde rolüni muzakere etecekler.
Tedbir spikerleri arasında — Ukrayina prezidentiniñ QMC-deki vekâletlisi Tamila Taşeva ve Milliy dayanıqlıq ve birdemlik platformasınıñ tesisçisi Yuliya Tışçenko bar.
2014 senesi fevral ayında silâlı insanlar Qırım Muhtar Cumhuriyetiniñ Yuqarı Şurasınıñ binasını, Qırım Muhtar Cumhuriyeti Nazirler Şurasını, Aqmescit ava limanını, Keriç parom keçitini, diger strategik obyektlerni zapt ettiler ve ukrayin ordusını blok ettiler. Rusiye akimiyeti başta silâlı insanlarnıñ Rusiye ordusınıñ arbiyleri olğanını tanımay edi. Soñra Rusiye prezidenti Vladimir Putin bular Rusiye arbiyleri olğanını tanıdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.