Daa evel Ukrayina baş prokurorınıñ ofisi 19 elâk olğan kişi aqqında bildirgen edi.
Ukrayina qurtarıcılarınıñ malümatına köre, elâk olğanlar arasında çoq qatlı evniñ viranelerinden çıqarılğan eki bala bar.
"Yedi kişi Solomenskıy, beş kişi Şevçenko ve daa yedi kişi Dnipro rayonında elâk oldı. Yaralanğanlarnıñ sayısı 59-ğa arttı. Bütün zarar körgenler "vatandaşlar", — dep aytıla OGPU haberinde.
Kıyiv şeer yolbaşçısı Vitaliy Kliçko iyülniñ 8-nde Rusiye ücümleri neticesinde zarar körgen 52 insannıñ hastahanege alındı, dep bildirdi.
Umumen Ukrayinağa endirilge qarıiıq raketa ücüminiñ neticesinde 33 insan elâk oldı. Daa 10 insan Krıvıy Riğde, biri Dniprda, üçü Donetsk vilâyetiniñ Pokrovsk şeerinde elâk oldı. 100-den ziyade vatandaş yaralandı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.