Onıñ aytqanına köre, bu, sentâbrniñ birinci yarısında Kıyivge qarşı sekizinci sefer yapılğan ava ücümidir.
"Bundan evelki ücümlerde olğanı kibi, duşman kene de, ğaliba, "Şahed" tipli pilotsız uçaqlarnı qullandı. Amma soñki ücümlerden farqlı olaraq, bu ücüm kütleviy oldı. Kıyivde ava telükesi saat ekige yaqın ilân etildi ve üç buçuq saat devam etti. Kıyivge Rusiye ücüm uçaqları farqlı yönelişler ve farqlı gruppalar boyunca yol aldı. Ava mudafaasınıñ küçleri ve vastaları paytaht etrafındaki ava boşluğında aman-aman yigirmi duşman dronunı urıp tüşürdi", — dep aytıla haberde.
İlk malümatqa köre, Kıyivde zarar körgenler ve viraneler yoq.
Rusiye silâsınıñ türü ve miqdarı aqqında malümat berilmedi, bu aqta Ukrayina Ava quvetleri haber etecek, dep qayd ettiler KGVA.
RF quvetleri çeşit silâ çeşitleri ile muntazam sürette ukrayin regionlarına ücüm ete.
Rusiye yolbaşçılığı, Rusiye ordusınıñ, büyük cenk vaqtında, Ukrayina şeerleri ve köyleriniñ grajdan infrastrukturalarına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminatı obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.