Kyivde fevralniñ 8-nde TURKSİD Türkiye, Ukraina ve Romaniya qırımtatar iş adamlarınıñ birligi taqdim etildi, dep haber ete Qırım.Aqiqat mühbiri.
Tedbirde qırımtatar halqınıñ lideri Mustafa Cemilev, Qırımtatar Milliy Meclisiniñ reisi Refat Çubarov, TURKSİD yolbaşçısı Ertan Baştuhan, Türkiye, Ukraina ve Romaniya qırımtatar iş adamları, elçihane vekilleri iştirak etti.
Qırımtatar halqınıñ lideri ve Ukraina Yuqarı Radasınıñ deputatı Mustafa Cemilev, TURKSİD birligi işğal etilgen Qırımnıñ Ukrainağa qaytarıluv yolunda müim bir adım ola.
TURKSİD Ukraina vekilleri İsmet Yüksel Birlikniñ quruluvı halqara toplulıq ile bağlarnıñ inkişafı içün emiyetli ola, dep qayd etti.
TURKSİD yolbaşçısı Ertan Baştuhan iştirakçilerniñ diqqatını Türkiye ve türk biznesi Qırımnıñ qanunsız işğali başlağanından berli Ukrainağa qoltutqanlarını açıq sürette bildirgenine celp etti.
TURKSİD 2019 senesi oktâbrniñ 1-nde işine başladı. Dernekniñ merkezi İstanbulda olacaq. Oktâbrniñ ortasında Dernek Kyivde şubesi açılğanını ilân etti. TURKSİD Ukraina vekili iş adamı İsmet Yüksel oldı. Dernek yolbaşçısı Ertan Baştuhannıñ aytqanına köre, ileride Poloniya, Bulğaristan ve Baltiya memleketlerinde şubelerniñ açılması beklenile.