«Özüne sadıq qalmaq – cinayet degildir»: Kyivde Rusiye tarafından taqip etilgen qırımtatarlar aqqında fotoresimler sergisi açıldı (fotoresimler)
Aqmescitteki ekinci «Hizb ut-Tahrir davasınıñ» mabüsi Raim Ayvazovnıñ büyük qızı.
Ukraina Tış işler naziriniñ birinci muavini ve leyha müellifi Emine Ceppar, balalar vastasınen işğal etilgen Qırım aqqında doğru malümat bermege tırışqan babalarınıñ ikâyeleri tarif etilgeni içün fotoresimler sergisi hususiy ola, dep qayd etti
Ukraina Tış işler naziriniñ birinci muavini Emine Ceppar qırımtatar halqınıñ lideri Mustafa Cemilevnen laf ete
Ukraina Tış işler nazirligindeki sergide şimdi Rusiye koloniyalarında ya da SİZOlarında tutulğan qırımtatar faalleriniñ doquz balasınıñ fotosüretleri taqdim etildi. Umumen Qırımda 191 bala babasız qaldı
Qırımtatar Milliy Meclisiniñ reisi Refat Çubarov sergi açılışında.
Ukraina Tış işler nazirliginde sergi bir ay devam etecek, soñra Ukrainada ve diger memleketlerde diger meydançıqlarda kösterilecek
Sergide qırımlı musulmanlarnıñ balalarınıñ fotosüretleri
«Qırım balalığı» koordinatorı Mumine Saliyeva ve qırımtatar halqınıñ lideri Mustafa Cemilev.
Mumine Saliyeva evlerinde tintüv keçirilgen er bir balanıñ yarası bar, dep qayd etti. «Stress sebebinden 27 balanıñ ağır tibbiy diagnozları oldı, 12 bala babasını daa körmedi», – dedi Saliyeva
«Qırım eviniñ» müdiri Ahtem Seitablayev Tış işler nazirliginiñ sergisinde
Fotoresimlerniñ ğayesi bir qorantanıñ bala betlerini bir kollajğa toplamaqtır. Bu fotoresimde Teymur Abdullayevniñ bala süretleriniñ parçaları toplandı
Ukraina Tış işler naziri Dmıtro Kuleba sergini açıp, 2021 senesi «Ukrainanıñ Qırımnı qaytaruv küreşinde hususiy oldı», dep qayd etti. Ukraina prezidenti Volodımır Zelenskıynıñ «Qırım platforması» halqara formatı teşebbüsini kerçekleştirmek ve bu sene avgust ayında tesis sammitini keçirmek içün iş kete.
«Tış işler nazirliginde er kes bu teşebbüsniñ muvafaqiyetli olması içün çalışa ve er kün «Qırım – Ukrainadır» şiarınıñ kerçekleştirilüvi içün issesini qoşa. Rusiye işğalci akimiyeti babasız qaldırğan balalar içün er şey yapıla», – dep qayd etti o