Kyivdeki Taras Şevçenko parkında qırımlılarnen birdemlik aktsiyası keçirildi. Tedbir teşkilâtçıları aktsiyağa martnıñ 9-nda çıqıp, qırımlılar er yıl ukrain şairi Şevçenkonıñ doğğan kününde «repressiv maşinanıñ basqısına oğramaq telükesi altında bulunıp, mustaqil Ukrainağa qoltuta ve birdemligini köstere».
Qırım.Aqiqat mühbiri bildirgenine köre, aktsiyağa tahminen 100 insan toplaştı. Kelgenler Rusiyede ve işğali altındaki Qırımda tutulğan siyasiy mabüslerge qoltutqanını bildirdi.
Kyivdeki aktsiya
Bir çoq insan Qırımda mahküm etilip, qomşu Rusiyeniñ koloniyasına avuştırılğan ukrain faali Volodımır Baluhqa qoltutuv urbasında keldi.
Ukrainada martnıñ 9-nda meşur ukrain şairi ve ressamı Taras Şevçenko doğğanınıñ 205 yılı qayd etile.
Yalta sakinleri Şevçenko abidesine çeçek qoydı. Aqmescitte Kobzarnıñ abidesi yanında Rusiye tarafdarlarınıñ mitingi keçirildi. Daa soñra ukrain faalleri çeçek ketirdi.
Taras Şevçenko 1814 senesi martnıñ 9-nda dünyağa kelip, edebiyat ve ressamlıq icadı sayesinde meşur oldı. O, ukrain medeniyetiniñ eñ büyük timsallerinden biri ola.