İyünniñ 29-nda «Qırım evi» Ukrayına Milliy halq ve turmuş mimarcılığı müzeyinen beraber Qırımtatar bayraq kününi qayd etecek.
Tedbir çerçivesinde qırımtatar çiftliginiñ (Qırım sakinleriniñ ananeviy evi) rekonstruktsiyası taqdim etilecek, ev taşınıñ timsali olaraq informatsion levhanıñ tiklenecek ve qırımtatar bayrağı köterilecek.
«Pıroğovodaki açıq ava müzeyinde olacaq qırımtatar çiftligi ziyaretçilerni Qırım yarımadası sakinleriniñ XVIII – XIX asırlarnıñ soñunda ananeviy qurucılıq ve künlik ayatlarınıñ hususiyetlerinen tanıştıracaq», – dep aytıla ilânda.
Tedbir Kyiv ş., Akademık Tronko, 1 adresinde olacaq.
İyünniñ 26-nda Ukrayınada Qırımtatar bayraq künü qayd etile – birlik, qırımtatarlarnıñ nesil bağı ve kelecek azatlığı ve aqları oğrunda küreşniñ timsali.
Kök bayraqlı altın tamğa – qırımtatarlarnıñ milliy yañıdan tiklenüviniñ timsali. 1917 senesi Birinci Qurultay bu bayraqnı milliy olaraq tasdıqladı. Qırımtatar bayraq künü 2010 senesinden başlap qayd etile. Yarımadada peyda olğan adet şimdi esas Ukrayınada da devam ettirile. Qırımda ise 2014 senesiniñ işğalinden soñ qıorımtatarlarnıñ Rusiye istilâsına qarşı tirenüv timsali ve kimligini bildirüv usulı oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.