Kyivde mayısnıñ 5-nde qırımtatar asıllı ukrayın yırcısı Jamala QIRIM yañı albomını taqdim etti.
Anda 14 yır kirdi, er biri Qırımnıñ ayrı yerini aydınlata. Jamala yırlarnı yarımadanıñ çeşit köşelerinde on yıllar devamında toplandı. Bu tedqiqatqa Qırım halqı qoşuldı – 80-den çoq muzıkacı iştirak etti.
Ukrayına prezidenti Volodımır Zelenskıy albomnıñ taqdim merasiminde iştirak etken insanlarğa mektüp yazdı. Onı sanada Ukrayına medeniyet ve informatsion siyaset naziri Oleksandr Tkaçenko oqudı.
«Bugünden başlap Qırımnıñ küçü Qırım albomınıñ yırlarında yanğıraycaq. Başta mında – Kyivde, soñra – bütün Ukrayınada, soñra da – bütün dünya eşitecek. Ve eşitilgende dünya bilsin ki: biz qaytacaqmız! Azaplarğa dayanıp, boysunmayıp küreşecekmiz. Bizim içün azatlıq bir mukâfat olacaq – onı coymacaqmız ve balalarımızğa berecekmiz», – dep aytıla Zelenskıynıñ muracaatında.
Kyivde albom taqdiminden soñ QIRIM Liverpulde taqdim etilecek. EuroFestival çerçivesinde Jamala BBC Philharmonic Orchestra ile beraber albomnı çalacaq.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.