Rusiyeniñ Kursk vilâyetindeki Kurçatovda uçucısız tüşti, neticede çoq qatlı ev qısmen zarar kördi, dep bildirdi iyülniñ 14-nde regionnıñ valisi Roman Starovoyt Telegram kanalında.
«Çoq qatlı ev qısmen zarar kördi – fasadı ve camları zararlandı», – dep yazdı memur.
Onıñ aytqanına köre, sakinlerden kimse yaralanmadı. Dron tüşmesi neticesinde kritik müim obyektler de zarar körmedi.
Kurçatovda Kursk atom elektrostantsiyası yerleşe.
Bundan ğayrı, Rusiyeniñ Voronej vilâyetiniñ valisi Aleksandr Güsev iyülniñ 14-ne keçer gecesi Voronejden bir qaç kilometrde Rusiye ava mudafaa vastaları üç uçucısıznı tüşürdi, dep bildirdi. Onıñ aytqanına köre, yaralanğan, can bergenler yoq ve binalar yıqılmadı.
Ukrayına ile sıñırı olğan Rusiye regionları – Belgorod, Brânsk ve Kursk vilâyetleri – muntazam sürette atışlar aqqında bildire. Moskva Ukrayına tarafı ücüm ete, dep bildire. Kyiv bu atışlarnı izaatlamay.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.