Ukrayina TİN yolbaşçısı Dmıtro Kuleba NATO azalarını Kıyivni Rusiye ordusına qarşı küreşmek içün kerek olğan bütün silâlar ile temin etmege çağıra.
"Brükselde NATO-nıñ Baş kâtibi Yens Stoltenberg ile körüştim. Bugün men mında üç eñ müim şeyni muzakere etmek içün keldim: silâ, silâ ve silâ. Ukrayinanıñ acele ihtiyacaları bar, ğalebe qazanmağa yardım etecek teslimat stabilligi ve uzun müddetli qararlar", - dep yazdı Kuleba.
Met with Secretary General @jensstoltenberg at NATO HQ in Brussels. I came here today to discuss three most important things: weapons, weapons, and weapons. Ukraine’s urgent needs, the sustainability of supplies, and long-term solutions which will help Ukraine to prevail. pic.twitter.com/247GdqdPwj
— Dmytro Kuleba (@DmytroKuleba) April 7, 2022
O, Alyansnıñ ştab-kvartirasında jurnalistlerge, ortaqlarnı daa çoq uçaq, ava mudafaası sistemalarını, raketa ve arbiy maşna bermege çağırğanını bildirdi.
Kuleba, Ukrayina Rusiyege qarşı neft ve gaz embargosı ile bağlı Ğarpqa talaplarında israr etecegini ayttı.
"Tam neft ve gaz embargosını talap etmege devam etecekmiz", - dedi o.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.