Ukrayina TİN yolbaşçısı Dmıtro Kuleba Daniya TİN yolbaşçısı Jeppe Kofod ile Ukrayinanıñ Avropa Birligine azalıq içün namzet statusı almasını beklegen kelecekteki Avropa Şurasınıñ sammitini muzakere etti.
"Daniya TİN yolbaşçısı ve dostum Jeppe Kofod ile telefondan laf ettim.Daniyağa Ukrayinağa destek içün minnetdarlıq bildirdim, hususan Harpoon raketaları içün. Biz Ukrayinanıñ Avropa Birligine azalıq içün namzet statusı almasını beklegen kelecekteki Avropa Şurasınıñ sammitini muzakere ettik", - dep yazdı o Twitterde.
Öz nevbetinde Daniya TİN yolbaşçısı bildirdi ki, Dmıtro Kuleba ile laqırdı vaqtında "ortaqlıqnıñ arttırılmasını ve Ukrayinanıñ Avropa yolunda desteklenmesini" muzakere etkenler.
"Ortaqlıqnı daa da nasıl arttıra bilecegimizni ve Ukrayinanı Avropa yolunda destekley bilecegimizni muzakere ettik. Daniya Ukrayinanıñ ğayrıdan tiklenilüvi ve cenkten soñraki tiklenilüvi içün qatiy destek bermege azırdır", - dep yazdı Kofod.
Just spoke w/ Ukrainian colleague & friend @DmytroKuleba on how we can strengthen 🇩🇰🇺🇦 partnership even further and support #Ukraine on its European path. Denmark ready to provide strong support to the reconstruction and post-war recovery of Ukraine. We #StandWithUkraine. #dkpol pic.twitter.com/o4JsfUSioY
— Jeppe Kofod (@JeppeKofod) June 10, 2022
Bloomberg agentliginiñ malümatına köre, Daniya ve Felemenk Avropa Birligine qoşulmaq içün Ukrayinağa azalıq namzeti statusınıñ berilmesine qarşıdır.
Fevralniñ 28-nde Ukrayina prezidenti Volodımır Zelenskıy AB azalıq arizasını imzaladı.
Ukrayinağa azalıq namzeti statusınıñ berilmesine dair qarar bir ağızdan qabul etilmelidir.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.