Desant gemileri, kater, raketa gemileri ve atta suvaltı gemiler. Rusiyeniñ Qara deñiz flotunıñ zarar körgen gemileri tek bu degil. 2023 senesi Ukrayina Mudafaa quvetleri işğal etilgen Qırım ve Qara deñiz flotunıñ gemilerine qarşı eñ az 184 ücüm kerçekleştirdi, ücümler bir kün aranen yapıla. Rusiyeniñ flotuna deñiz dronlarınen Aqyardan uzaq da ücüm etildi, dep talil ete Andriy Klımenko, Qara deñiz strategik tedqiqatları institutınıñ reberi. Rusiye flotunı Aqyardan Novorossiyskke alacaqlar, amma Ukrayina Mudafaa quvetleri anda da olarğa «yete». Qara deñiz flotunıñ vazifesi ne? Angi gemiler batırıldı ve Rusiye flotu uruşqa ne qadar azır?
Suvda cenk: Rusiyeniñ esas vazifesi – Qara deñiz flotunı saqlamaq | Qırım.Aqiqat TV
Your browser doesn’t support HTML5
Ukrayina deñiz dronlarınıñ ilk darbeleri cenk ketişatını bütünley deñiştirdi. Rusiye «gemige qarşı gemi» cenkine azırlandı, insansız katerlernen nasıl küreşmek ve olarğa qarşı nasıl çıqmaq, rusiyeliler bilmedi, dep ayta Pavel Lakiyçuk, «Strategiya XXI» Globalistika merkeziniñ telükesizlik programmalarınıñ reberi.