Kreml Ukrayina prezidenti Volodımır Zelenskıy ve Rusiye prezidenti Vladimir Putinniñ Birleşken Arap Emirliklerinde körüşüv imkânını izaatladı.
"Biz şimdilik Moskva aqqında aytamız", – dedi Kreml spikeri Dmitriy Peskov, Rusiye tarafınıñ Zelenskıy ile Birleşken Arap Emirliklerinde körüşmege azırmı sualine cevap berip.
Onıñ qayd etkenine köre, Zelenskıy ve Putinniñ körüşüvini teşkil etüv meselesinde "belli vaziyette uyğun degil", dep haber ete Rusiye kütleviy haber vastaları.
Ukrayina Tış işler naziri Andriy Sıbiğa "Yevropeyska pravda" intervyüsında Ukrayina prezidenti Volodımır Zelenskıy Rusiye prezidenti Vladimir Putinnen topraq kontroli ve Zaporijjâ atom elektrostantsiyasınıñ işini şahsen muzakere etmege azır, dep bildirdi.
Yanvarniñ 23-24-nde Abu-Dabide ABD, Ukrayina ve Rusiyeniñ Washington aracılığınen üç taraflı muzakereler keçti. Axios menbaları Donbasnen beraber bütün esas meseleler muzakere etildi, dep bildire.
Yanvarniñ 25-nde Ukrayina prezidenti Volodımır Zelenskıy Vilnüs ziyareti vaqtında Kyivniñ topraq qararı deñişmey, uzlaşuvlarğa ise bütün taraflar azır olmalı, dep ayttı. O, ABD ile eki taraflı telükesizlik kefaletleri "100%" azır ve Kyiv imzalanmasını bekley, dep qayd etti.
Muzakerelerniñ nevbetteki basamağınıñ keçirilmesi bu afta Abu-Dabide fevralniñ 1-ne planlaştırıla.