Türkiye prezidenti Recep Tayyip Erdoğan Rusiye prezidenti Vladimir Putinnen laf etken soñ Kreml «ciddiy dialogğa» azır olğanını bildirdi, amma «yañı territorial kerçekler köz ögüne alınacaq» dedi.
«Zıddiyetniñ siyasiy çezilüvinde Türkiyeniñ aracılıq yapmağa azır olğanını bildirgen Recep Tayyip Erdoğannıñ sözlerinden soñ Vladimir Putin Rusiyeniñ ciddiy dialogğa azır olğanını tasdıqladı – Kyiv akimiyeti belli ve çoq seslendirilgen talaplarğa riayet etmeli ve yañı territorial kerçeklerge emiyet berilmeli».
Kütleviy haber vastaları bildirgenine köre, Türkiye prezidenti Kremlni Ukrayınağa qarşı büyük cenkte barışıqqa çağırdı.
«Erdoğan, barışıq ve muzakere çağıruvları bir tarafnıñ ateşni toqtatması ve yemin qararnıñ tahmininen pekitilmeli», – dep aytıla Reuters agentligi aydınlatqan Erdoğannıñ matbuat hızmeti yapqan beyanatında.
Rus ortodoks kilsesiniñ yolbaşçısı patriarh Kirill Milât bayramı arfesinde Ukrayınada Cenk areketleri alanında bayram barışığına çağırdı.
Ukrayına prezidenti ofisiniñ mesleatçısı Mıhaylo Podolâk Milât barışığı teklifini «tsinik bir tuzaq» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.