İşğal etilgen Qırımdaki Krasnoperekop rayonınıñ bütün köyleri ışıqsız qaldı. Bu aqta rayonnıñ Rusiye memuriyeti haber ete.
"Krımenergo" Rusiye müessisesi haber etkenine köre, söndirüvler Ukrayina Silâlı quvetleriniñ uçucısız ücümlerinen bağlı. Sıñırlavlar bütün yarımadada çalışa.
"Mesken yerlerniñ bir qısmı elektrikasız qaldı. İçtimaiy obyektler yedek elektrika teminlev shemalarında çalışa", – dep bildirdi matbuat hızmeti.
"Krımskiy veter" Telegram kanalı haber etkenine köre, Krasnoperekopskta bütün gece patlavlar oldı, saba 6-da ise şeerge ışıq keldi. Anda dron demiryol vokzalı qarşısındaki ATPge ücüm etti, anda rusiyelilerniñ arbiy tehnikası tura, dep haber etildi. Rusiye akimiyeti bu malümatnı izaatlamadı. Başqa mustaqil delil de yoq.