Qırımtatar Milliy Meclisi reisiniñ birinci muavini Nariman Celâl Rusiye esirliginden azat etilüv tafsilâtlarını tarif etti.
"Yarım kün çalıştım, hadimler keldi. İşten alıp kettiler, eşyalarnı topla, dediler. Men bulunğan apishaneniñ operativ hızmetiniñ yolbaşçısı ile körüştim, ve o, meni azat eteceklerini ayttı", — dedi o "Rada" telekanalına bergen intervyüsında.
Ertesi künü Celâlnı Krasnoyarsk SİZO-sına alıp kettiler, anda qırımlı eki kün ayrı kamerada bekledi, onı Belorusiye sıñırına alıp kettiler.
"FSB hadimleri yanıma kelip, közlerimni bağladılar, zıncırlarnı kiydirdiler, ve biz evimizge, azatlıqqa, uzun, soñki yolunı başladıq. Böyle bir marafon edi: biz Moskovağa adiy uçaqnen uçıp kettik, anda avto naqliyatqa keçtik, soñra başqa naqliyatqa keçtik, anda men artıq bu yolnı keçken semetdeşlerimniñ gruppasına qoşuldım. Belorusiye sıñırında bizni mahsus hızmet gruppası qabul etti, ve bizni üç saat devamında vertolötnen sıñırğa alıp bardılar. Ve soñki saatlarda bizden zıncırlarnı çıqarıp, bu plastik zıncırlarnı kiydirdiler", — dep ayytı o.
Celâl şimdi özüni yahşı is etkenini qayd etti, amma tibbiy teşkerüvden keçmek kerek, bazı problemler bar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.