Fevralniñ 6-sında yañı 2019-nCoV koronavirusı neticesinde 565 adam öldi. Hastalanğanlarnıñ sayısı ise umumen 30 bin oldı. Bunı Azatlıq Radiosı haber ete.
Bugünge 1200 adam yahşı oldı. Amma hastalıqtan aşılavnı daa işlep çıqarmadılar.
Bugün Qıtayda "Remdesivir" antivirus ilâcınıñ klinika sınavları başlaycaq. South Morning China Post yaza ki, ilâcnıñ istisalcısı - Wuhandaki virusologiya institutınıñ - müellif aqları ile problemaları çıqa bile. 2016 yılda "Remdesivir"ni Gilead Sciences Amerika şirketi işlep çıqardı. Amma şimdilik ilâc dünyanıñ iç bir yerinde tasdıqlanmadı.
Yanvarniñ 30-ında Bütündünya sağlıq teşkilâtı Qıtay koronavirusını global bir fevqulâde vaziyet dep ilân etti.
Qıtay alimleri 2019 senesi dekabrniñ 31-nde adiy olmağan pnevmoniya aqqında ilk sefer bildirdi. Olar yañı koronavirusnı ayırıp, tolu genomını derc etti.
Ekimlerniñ bildirgenine köre, yañı koronavirus ağır pnevmoniyanıñ sebebi ola bile. Ayrı bir tedaviylevi yoq, tek alâmetleri yımşatıla bile. Ağır hastalıq immuniteti zayıf olğan insanlarda ve esli-başlılarda ola.
Dünya sağlıq teşkilâtı yañı koronavirusnı dünya seviyesinde fevqulâde vaziyet dep adlandırdı.
Your browser doesn’t support HTML5
Смертельный вирус из Китая: все, что известно (видео)