Keriç tış satış noqtalarını qapatmaq içün politsiya otrâdlarını qullanalar. Bunı şeerniñ rusiyeli başı Sergey Borozdin bildire.
"Keriçte obyektlerniñ qapalmasını politsiya brigadaları nezaret etti. Böyle qarar koronavirus infektsiyasını toqtatmaq içün cumhuriyet seviyesinde qabul ettiler. Şimdilik Qırım başınıñ emri bozulması aqqında tahminen 15 akt tizildi", - yazdı Borozdin Facebookte.
O qayd etti ki, emirge itaat etmemekniñ en büyük cezası - faaliyetniñ 90 künge toqtatılmasıdır.
Your browser doesn’t support HTML5
Мнение крымчан: испортит ли пандемия курортный сезон? (видео)
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.