Avgustnıñ 24-nde esir deñişüvi çerçivesinde 2018 senesi işğal etilgen Qırımda tutulğan Konstantin Davidenko Ukrayinağa qayttı. Bu aqta «Kreml siyasiy mabüsleriniñ soy-sopları birleşmesi» teşkilâtınıñ reisi İgor Kotelânets bildirdi.
«Ukrayina qırımlı siyasiy mabüslerni kene qaytara, niayet! Konstantin Davidenko evde! Bu endi ümütini coyğan, yıllarnen beklegenler içün müim bir işaret – evde olacaqsıñız!», – dep yazdı Kotelânets.
2018 senesi fevralniñ 11-nde FSB Aqmescitte Ukrayina vatandaşı, Donetsk vilâyetiniñ sakini Konstantin Davıdenko tutuldı, dep bildirdi. Rusiye tarafı onı «casuslıqta» qabaatladı. Rusiye kontrolindeki Qırım Yuqarı mahkemesi 2019 senesi iyünniñ 6-nda ukrayinalını 10,5 yıl sert rejimli koloniyada qalmasına üküm etti.
Aynı sene Rusiye Yuqarı mahkemesi apis cezasını 7 yılğa qadar eksiltti. Davidenko 2025 senesi fevral ayında qanunsız cezasını çekti, lâkin Rusiyede çetel vatandaşlarını vaqtınca tutuv merkezinde tutuldı.