Keriçte olğan kütleviy öldürüvde elâk olğanlardan birisi cumaaqşamı künü, oktâbrniñ 18-nde, defin etilecek. Bunı Qırımnıñ Rusiye ükümetiniñ yolbaşçısı Sergey Aksenov bildirdi.
«Birincisi (kollecdeki ücüm qurbanlarından – QA) bugün defin etilecek», – dep yaza Aksenovnıñ aytqanlarını TASS.
Krıminform qayd ete ki, cenaze bugün Qırımnıñ Yedi Quyu rayonında qılınacaq. Sergey Aksenovnıñ aytqanına köre, elâk olğan kişi musulman ola.
Your browser doesn’t support HTML5
Keriçte kütleviy öldürüv. Adise yerinden video
Daa evel Keriçteki kütleviy öldürüvde elâk olğanlarnıñ cedveli aydınlatılğan edi. Şeerniñ Rusiye memuriyeti facia neticesinde 20 kişi elâk olğanını bildirgen edi.
Patlav çarşenbe künü Keriç politehnik kollecinde oldı. Rusiyeniñ terrorizmge qarşı milliy komiteti, kollecde bomba patlağanını bildire.
Qırım Muhtar Cumhuriyetiniñ prokuraturası Keriç politehnik köllecinde olğan patlavnı terror ücümi olaraq tasnif ete.
Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi».