Aprelniñ 17-sinde Keriçte, yarım yıl evel, 2018 senesi oktâbrde politehnika kollecinde olğan patlav ve atuvlardan soñ elâk olğanlarnı añdılar.
Qırım.Aqiqat mühbiri bildirgeni kibi, çarşenbe künü keriçliler, kollec azbarında qoyulğan küçük hatıra abidesine çeçeklerni ketirdi.
Saba kollecge elâk olğan talebe ve ocalarnıñ ana-babaları keldi.
Keriçte kollec yanında, 2019 senesi, aprel 17
Patlav ve atışuv çarşenbe künü, oktâbrniñ 17-nde, Keriç politehnik köllecinde oldı. Rusiye Tahqiqat komitetiniñ malümatına köre, Keriç politehnik kollecinde olğan patlavnı 4-ünci kurs studenti, 18 yaşında Vladislav Roslâkov kerçekleştirdi. O, «özüni öldürdi». Facia neticesinde 21 insan elâk oldı. Qırımda üç künlik matem ilân etilgen edi.
Your browser doesn’t support HTML5
Керченский стрелок и трагедия в колледже. Как это было (видео)
Oktâbrniñ 19-nda Keriçte ve Yedi Quyu rayonında ücüm qurbanlarınıñ cenazeleri qılındı. Vedalaşuv merasimine biñlernen insan keldi.
Qırım Muhtar Cumhuriyetiniñ prokuraturası Keriç politehnik köllecinde olğan patlavnı terror ücümi olaraq tasnif ete.