Keriç köpründe keçken gece: qırımlılar «Hizb ut-Tahrir davasınıñ» mabüslerine qol tutıp olamadı

Noyabrniñ 2-nde qırımlı faaller siyasiy mabüslerniñ qorantaları ile birdemligi bildirmek içün Rostov-na-Donuğa yol aldı. Noyabrniñ 3-nde saba Cenübiy okrugınıñ arbiy mahkemesinde Qurmandaki «Hizb ut-Tahrir davası» mabüsleriniñ ükmü çıqarılacaq edi

Keriç köpründe olarnı Rusiye yol-patrul hızmetiniñ hadimleri toqtattı

Gece 12-ge yaqın köpürde maşinalar nevbeti peyda oldı. Yüzge yaqın insan olarnı yiberecekler dep bekledi

Qırımlı aq qorçalayıcı Lutfiye Zudiyeva bildirgenine köre, qırımlılar arasında esli-başlı insanlar ve qadınlar bar

Qırımlı faaller +12 derecede gece soqaqta ve sıcaq içeceksiz edi

Tutulğanlarnıñ bildirgenine köre, şahsiyetlerini teşkermek içün pasportlarını alğanlar

Saba saat 7-lerde köpürde tutulğanlarnıñ vesiqaları qaytarıldı. Qırımlılar mahkemege keç qalğanı içün evge qayttı

Noyabrniñ 3-nde Qurmandaki «Hizb ut-Tahrir davası» mabüsleriniñ ükmü çıqarıldı. Rustem Emiruseinov 17 yılğa, Arsen Abhairov 13 yılğa, Eskender Abdulganiyev 12 yılğa üküm etildi