Keriçte tahminen saat 17:00-den başlap patlavlarğa oşağan küçlü sesler eşitile, dep yaza Qırım telegram kanalları.
"Krımskiy veter" telegram kanalı yerli sakinlerniñ malümatına esaslanıp yazğanına köre, kökte raketa izleri körüşti. Anda Yaltada uçqan qıırcılar aqqında da yazalar.
Rusiye Mudafaa nazirligi Qırımda tüşürilgen 22 ve Azaq deñizinde tüşürilgen 7 dron aqqında bildire. Anda bunıñ delillerini köstermediler, müessise tüşürilmegen dronlarnıñ sayısını da bildirmedi.
Ukrayina arbiyleri vaziyetni şimdilik izaatlamadı.
Rusiye akimiyeti Keriç köprüni qapattı, dep haber etildi. Monitoring telegram kanalları dron darbesiniñ telükesi aqqında yazalar.
Saat 16:31-de Aqyar şeer yolbaşçısı Mihail Razvojayev ava telükesi aqqında haber etti. Telüke tahminen 16 daqqa devam etti.
Kündüz Qırımnıñ telegram kanalları Keriçte, Qurman ve Canköy rayonlarında Rusiye Federatsiyası ava mudafaasınıñ iş sesleri aqqında bildirgen edi. Rusiye Mudafaa nazirligi Qırımda saat 8:00-den 13:00-ke qadar tüşürilgen 10 dron aqqında esabat berdi. Tüşürilmegen uçucısızlarnıñ sayısı aytılmay.