Qırım.Aqiqat mühbiriniñ bildirgenine köre, Keriç boğazınıñ akvatoriyasında yaldağan kran körüne.
Keriç köprüniñ yanında yaldağan kran
Rusiye Keriç köprüni ukrayin deñiz dronlarından qorçalamaq içün qullanğan barjalarnıñ sayısı arttı, dep bildire şaatlar.
Amerika İş Adamlığı İnstitutınıñ tış ve mudafaa siyaseti tedqiqleri bölüginiñ talilcisi Bredi Afrik, uydu resimlerine esaslanıp, Rusiye akimiyeti Keriç köprüniñ yanında barjalarnıñ sayısını arttırmağa devam ete, dep bildirdi.
Jurnalist taqiqatları merkeziniñ malümatına köre, Rusiye Keriç köprüniñ suv üstü qoruvını mayıs 7-de başladı ve bugün de devam ete. O, ücümlerden qorçalamaq içün basqıçlı qamaçav sistemasını qurmaqta.
İyünniñ soñunda Rusiye quvetçileri Keriç köprüniñ yanında 21 barjalardan ibaret olğan ekinci sızıqnı qurğanları ve bir qaç aydan berli Keriç köprüniñ yanında pirslerni qurağanları aqqında haber etilgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.