Qayd etilgenine köre, Keriçte 9 transformator stantsiyası söndürildi, Kefede 14. Voronkinniñ aytqanına köre, qaza brigadaları tamir işlerine başladı.
Keçende Kefe ve Qarasuvbazar rayonınıñ bir qısmı qaza sebebinden yarıqsız qaldı, dep haber etilgen edi.
Daa evel Qırımnıñ bir çoq rayonında yarıqnıñ kesilmesi yüz berdi. Yalta, Kezlev, Aluşta, Aqmescit qısmen ışıqsız qaldı. Qırımnıñ Rusiye yolbaşçısı Sergey Aksönovnıñ bildirgenine köre, elektrik energiyasınıñ söndürilüvi anomal sıcaq ava ile bağlı.
İyülniñ 17-nde haber etilgenine köre, Rusiyeniñ bir sıra regionı ve ilhaq etilgen Qırımnıñ bir qısmı yarıqsız qaldı. Umumen bir millionğa yaqın insan aman-aman aynı vaqıtta yarıqsız qaldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.