Qırım çıqışında Keriç köprü ögünde avgustnıñ 20-nde kün devamında tıqanıqlıqlar qalmağa devam ete, dep haber ete Rusiye kontrolindeki Telegram kanalı köpürdeki vaziyet aqqında.
Haberge köre, saat 16:00-ğa qadar 198 araba nevbette tura. Bir saat evelsi 300 maşina edi. Qomşu Rusiye tarafından Keriç köprüsi ögünde maşinalar yoq.
Rusiye akimiyetiniñ malümatına köre, Qırımdan çıqışta nevbet 9:00-da toplaştı. Keriç köpründe areket toqtatıluvı aqqında bir haber yoq edi.
Keriç köprüsi em işğal etilgen Qırımnı temin etmek, em Ukrayinağa qarşı cenkni devam ettirmek içün anda asker, tehnika ve silâ taşımaq içün Rusiye içün strategik ceetten müim ola. Soñki vaqıtları Qırımda uçucısız telükeleri ilân etilgeni içün ve Ukrayina Mudafaa quvetleriniñ darbe telükeleri olğanı içün Keriç köprü daa sıq qapatıla.