Ukrayınanıñ BM daimiy vek ili Serğiy Kıslıtsâ X ağında Rusiyeniñ Krasnodar ülkesinden işğal etilgen Qırımğa alıp ketken köpür tezden yoq olacaq dep ima etti.
Kıslıtsâ altı «2024 senesine esas çeşit köpürni» paylaştı. Anda olğanlar: «Kemerli köpürler», «Konsol köpürleri», «Vant köpürleri», «Asılğan köpürler», «Bağlı kemerli köpürler» ve «Keriç köpürleri». İlk beş çeşit inşaatlarnıñ shematik resimleri bar, amma «Keriç köpürleri» altında bir şey yoq.
Keriç köprü işğal etilgen Qırımnı Rusiyenen bağlay. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde Keriç köpründe oldı. Rusiye akimiyeti patlavlarda Ukrayına ordusını qabaatlay ve olarnı talimler dep adlandıra. Kyiv tek bir qaç ücümge alâqası bar olğanını resmiy şekilde tasdıqlay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.