Qırımda martnıñ 16-nda saba yerli saatnen 9:58-de Keriç köpründe areket qapatıldı, dep yaza Rusiye akimiyeti kontrolindeki Telegram kanalı köpürdekii vaziyet aqqında.
Bundan ğayrı, Aqyarda deñiz yolcu naqliyatınıñ işi toqtatıldı.
Rusiye monitoring kanalları "aviatsion raketa telükesi" aqqında bildire. Rusiye arbiyleri vaziyetni resmiy şekilde izaatlamay.
Yañı malümat: Keriç köprün areketke qapatılğanından 50 daqqa soñ areket ğayrıdan tiklendi, dep bildire Rusiye akimiyeti. Bundan ğayrı, Rusiye kontrolindeki Aqyar akimiyeti deñiz naqliyatınıñ işi ğayrıdan başladı, dep bildirdi, Rusiye monitoring telegram kanalları ise "aviatsion raketa telükesi" bitkeni aqqında yaza.
2022 senesinden berli Qırım yarımadası aman-aman er kün uçucısız ve raketalarnıñ ücümlerine oğray, çoqusı allarda bu malümat tasdıqlansa bile, Rusiye Mudafaa nazirligi ya da Rusiye akimiyeti arbiy obyektlerge darbe endirilgenini inkâr ete.