Keric burhanı süretlerde

Noyabr 25-inde kündüz ukrain arbiyleri, olarnıñ Odessadan Mariupolge ketken arbiy katerler taqımına rusiye sıñır hızmetiniñ gemisi çarpqanını haber etti

Rusiye tarafı, ukrain gemileri "deñizniñ vaqtınca qapalı mıntaqasına qanunsız kirgenini" ve sıñırcılarnıñ talaplarına itaat etmegenini beyan etti. Aynı o zaman Rusiye Keriş boğazına keçitni vaqtınca qapattı

Aqşamğa yaqın Rusiye ukrain gemilerini keçirdi, amma birazdan atışlar aqqında belli oldı. Ukraina Arbiy deñiz quvetleriniñ komandirliginiñ haber etkenine köre, bu vaqia ilhaq etilgen Qırımnıñ territorial suvlarında tış yüzberdi. Altı ukrain arbiyi yaralandı, rusiye tarafı bildirgenine köre, olarğa tibbiy yardım etildi. 

Rusiye sıñırcıları, ukrain deñizcilerinen beraber katerlerniñ üçüni de zapt etip Keriç limanına ketirdi

Noyabr 25-inde aqşamğa yaqın faaller Kyivde Rusiye elçiliginiñ binası yanına narazılıq aktsiyasına kelip başladı.

Aktsiya itirakçileri, tutulğan arbiylerni azat etmege talap ete edi. Ukraina ombudsmenı Tatyana Denisova, olarnı "arbiy esir" sayğanını beyan etti

Moskova areketlerinden açuvlanğan faaller Kyivdeki russiye diplomatik müessiseniñ maşnasını yaqtı

Noyabr 26-sında Ukraina-NATO acele körüşüvi keçirildi, onıñ neticesinde NATO, bir kün evel Keriç boğazında zapt etilgen ukrain deñizcilerni ve gemilerni azat etmege Rusiyeni çağırttı. BMT-nıñ Havsızlıq Şurasınıñ oturışında Avropa birliginiñ azası olğan 5 devlet - Frenkistan, Niderlandı. Poloniya, İsveçre ve Büyük Britaniya - aynı talaplar ile Rusiyege hitap etti.
 

Ukraina milliy telükesizlik ve mudafaa şurasınıñ acele oturışında şuranıñ başı Petro Tsigal, sıñız hızmetleri sıñır qoruvınıñ quvetleştirilgen rejimine keçeceklerini ve ordunıñ tolu cenk azırlığına ketireceklerini bildirdi. 
Ukraina Yuqarı Radası bir sıra vilâyette 30 künlük cenk vaziyetini ilân etti. Bu qarar içün 276 halq mebusi rey berdi.