Kefede Aşağı Otuz (Kurortnoye) qasabasınıñ sakini olğan 70 yaşındaki pensiyalını yerli maşna hızmeti stantsiyasınıñ saibine pıçaq ile ücüm etkeninde qabaatlaylar. Bunı Rusiye İİN-niñ Qırım idaresiniñ matbuat hızmeti bildirdi.
"Malüm oldı ki, tanışı ile duşman munasebetleri neticesinde şübeli maşna hızmeti stantsiyasınıñ saibiniñ yanına barıp, qursağına pıçaqnen urdı. Adamnı pıçaqlağan soñ o öz maşnasında adise yerini terk etti", - denile beyanatta.
Politsiya Rusiye CK-niñ 11-inci maddesiniñ ekinci qısmına binaen cinaiy davanı açtı, oña köre, 10 yılğa qadar apis cezası maküm etile bile.