Kefede çoq qatlı bir binanıñ qısmını Ukrayina bayrağı renklerine boyaladılar. Qırım.Aqiqat mühbiriniñ haber etkeni kibi, bina Kefeniñ merkezinde, Galereynaya soqağında eken.
Berilgen malümatqa köre, beş qatlı binada tamir işleri olğan zaman birinci, ekinci ve üçünci qatlar seviyesindeki soñ divar sarı ve mavı renklerge boyalanğan. Aynı zamanda binanıñ Ukrayina bayrağınıñ reklerine boyalanması aseletmi tesadüfenmi oldı belli degil.
Qırım.Aqiqatnıñ haber etkeni kibi, daa evel Aqmescitte Ukrayina tarafdarı faaller "ÇVK Vanger" reklamasınıñ üstüni boyalağan ediler.
Ukrayina Prezidentiniñ Qırım MC daimiy temsilcisi Tamila Taşeva Qırım.Aqiqatqa intervyü berir eken ''Ukrayina Silâlı quvetleri yaqınlaşqanı sayın Qırımda narazılıqlar artacaq" dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.