Qırım.Aqiqat mühbiri haber etkenine köre, qıyış demir parçalarını añlamaq imkânsız, olar şeerniñ merkeziy qısmındaki soqaqta buluna.
Limanğa endirilgen darbeden soñ Kefege tüşken maden parçaları, Qırım, Ukrayına, 2023 senesi dekabrniñ 26-sı
Limanğa endirilgen darbeden soñ Kefege tüşken maden parçaları, Qırım, Ukrayına, 2023 senesi dekabrniñ 26-sı
Çarşenbe künü Kefede patlavdan zarar qayd etile. Limanğa yaqın bir çoq evniñ camları, çerçiveleri qırıldı.
Ukrayına Ava quvetleri bildirgenine köre, gece saat eki buçuqlarda taktik aviatsiya Kefe rayonında Rusiye Qara deñiz flotunıñ «Novoçerkassk» büyük desant gemisine qanatlı raketalarnen ücüm etti.
Ukrayına Ava quvetleriniñ komandanı Mıkolay Oleşçuk nişan muvafaqiyetnen yoq etildi, dep bildirdi.
Ukrayına Ava quvetleriniñ spikeri Yuriy İgnatnıñ aytqanına köre, Ukrayına aviatsiyası qanatlı raketalarnen ücüm etken «Novoçerkassk» bütünley yandı ve liman infrastrukturası da zarar körgendir.
Rusiye Mudafaa nazirligi Ukrayına Silâlı quvetleriniñ Kefede «Novoçerkassk» desant gemisine darbe endirgenini tasdıqladı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.