Keçken yazda ğayıp olğan Krasnoperekopsk sakini Dmitriy Kolâda Aqmescitniñ 2-nci SİZO-sında tapıldı, o anda inkommunikado statusında tutulmaqta. Bu aqta tünevin Facebook saifesinde Qırımtatar resurs merkeziniñ idarecisi Zarema Baryeva haber etti.
"Bir qaç kün evel biz 1996 senesi doğğan ve 2025 senesi Armanda tutulğan Ukrayina vatandaş Dmitriy Denisoviç Kolâda Aqmescitniñ 2-nci SİZO-sında tutulğanını bildik. Tahminen sekiz ay devamında onıñ qorantası onıñ qayda olğanı aqqında bir şey bilmey edi, ve bugünge qadar Dmitriyniñ qorantasınen qonuşmaq içün iç bir imkânı yoq, demek mümkün, çünki o, inkommunikado syatusında", — dep yazdı Bariyeva.
Bariyevanıñ malümatına köre, Dmitriy Kolâda 2025 senesi avgust ayında Rusiye quvetçileri tarafından tutulğan. Onı ne sebepten yaqalağanlarını ve ne ile qabaatlağanı aytılmay.
Rusiyede ve onıñ tarafından işğal etilgen topraqlarda quvetçiler Ukrayina tarafdarlarını taqip eteler. Rusiye tarafdarı Qırımlı bloger Aleksandr Talipov öz telegram kanalında Ukrayinağa qol tutqan Qırımlılarnıñ şahsiy malümatlarını derc ete. Böyle şikâyetlerniñ neticesinde Qırımlılar RF ordusını "itibardan tüşürüv" içün yaqalana ve memuriy ve cinaiy mesüliyetke çekile.