Ukrainlerniñ rusiyelilernen qonuşması daa çoq açuvlı adamnıñ sağır kişinen qonuşmasına oşap kete. Türlü añlav seviyelerinde qonuşuv. Bu, rusiye internet-askerlerniñ büyük ordusını almasaq bile.
Ve rusiyelilerniñ şu seksen dört fayızı, ukrainlerniñ hitaplarını tek Kiselöv ya da Skabeyevanıñ tercimesinde tek añlay, dep körüne. Sade rusiyeli tercimanlarsız tek tükân fiyat yarlıqları, yanğan superjet ve mavzoleydeki ebediy prezident kibi körgezmeli şeylerni añlap ola.
Rusiye halqı, ertarflarında güzel siyevede azırlanılğan kerçekniñ absurdına asıl diqqat etmeyler
Rusiyede halqını, yaqında tayin etilgen “yañı haber tili”nde - yalan, propaganda ve klişelerni qullanğan şartlı tilde - qonuşmağa ögretkenleri içün, olar, ukrainler olarğa muracaat etken normal rus tilini vaqıt keçkeninen yaramayca ve yaramayca añlaylar. İşte, aynı tilni qullanğan öz zeinlerinen de al böyledir.
Amma Rusiye Federatsiyası halqı, ertarflarında güzel siyevede azırlanılğan kerçekniñ absurdına asıl diqqat etmeyler.
Üç nesil evel memlketeniñ aman-aman dörtten birisini qurban etken qanlı cenkte ğalebege bağışlanğan paradda qıtaarası ballistik raketalar ve yap-yañı tanklardan absurd daa ne ola bile? Zemanede cenkni cenk kibi bilgenler, onı Vladivostok gubernatorı, “deñiz tülenleri” ve qıtaylı sportçularında ibaret olğan morjlar taqımınıñ yaldavlarınen bayram etmeyler. Ve zırhlı tehnikağa oştattırıp üslüpleştirilgen bala arabalarınıñ paradınen de qutlamaylar, ebet, anaylarnıñ biraz hastaca fantaziyasını yerli akimiyet rağbetlendirmese.
Kreml akimiyetiniñ teşebbüsinenbütün dünyada bu kiyik aqıl eksperimetine daa ne dersiñ? Karnavalmı? Ebet, “Ölümsiz polk”nıñ yürüşinde karnavalnıñ bütün alâmetleri bar, men bunıñ aqqında endi yazğan edim.
Amma karnavalda ölgen qartbaba-bitaylarnıñ süretlerini taşımaylar. Ve “polk”nıñ yürüşi de sadece daa büyük bir merasimniñ bir parçasıdır.
Aysa ne? Nasıldır bir haçlı yürüşmi? “Yañartılğan” soyumı?
Amma haçlı yürüş vaqtında ölgenlerniñ süretlerini taşımaylar, mıtlaqa da kilse bayraqları ya da miting transporantları sıfatında. İkonalarnı, işte ölgen tuvğanlarnıñ resimlerini kibi, er vaqıt ürmet kösterip elde tutıp taşıy ediler.
Demek, ne ise, ğalebe paradımı?
Amma aysa karnaval kiyimleriniñ, kilse timsalâtnıñ, ve - aqılsızlıqnı eñ yuqarı seviyesi - Qızıl meydanda “Yars” ballistik komplekslerniñbuña ne alâqası bar?
Em de kimerde körüne ki, sanki mına-mına bu Ğalebe kününiñ mündericesi ve manasını añlap olacañ.
Küç kösterilüvimi?
Dünya maneviyligine saip olğanlarnıñ duşmanlarınıñ qorquzuvımı?
Ebet! Mına o - BİZ ER KESKE KÖSTERİRMİZ!
Amma bu karnaval yürüşi, matem ve ebediy hatıranıñ yañı büyük abideleriniñ açıluvı nege?
Añlamaq kerekmey, ğururlanmaq, inanmaq, nefret etmek ve ketmek kerek. Qayda ve ne vaqıt buyursalar
Bu bağ üzülmey.
Añlamaq kerekmey, ğururlanmaq, inanmaq, nefret etmek ve ketmek kerek. Qayda ve ne vaqıt buyursalar. Demonstratsiyağa, paradğa, Donbassqa, Süriyege ve Vatanğa kerek olğan başqa yerlerge…
Ebet, daa Vatannı sevmek mümkün. Amma tek rushet bergenleri kibi ve izin berilgen yerde ve vaqıtta, Vatannı begenmeseñ ise, yahşıca susmaq. Sağlamca qalırsıñ.
Men bu metinni ukrainler içün yazmayım. Olar öyle de er şeyni añlay, ve mennen razı olmasalar bile, öz başına malümatr toplaması ve şahsiy noqta-i nazarı olması mümkün.
Em rusiyeliler içün degil - mında bir kereden bir şeyler añlatmaq küçüm yetmeycek. Televizornen küreşmek zor.
Men qırımlılar içün yazam, rusiyelilerge köre, olarnı rus tevevizionı imperatorlıq hammalı kibi azca terbiyeley, ve rusiyelilerge köre, şeerde pasportsız yürmek ve maden qıdırıcınıñ ögünde turmamaq ne olğanını olar daa hatırlay.
Baqıñız, aqiqiy qaar, hatıra ve ölgenlerge ürmet nasıl olmalı.
Aqiqiy Hatıra Künü nasıl olmalı.
Bu pek qısqa video, bir yarım daqqa.
Mında ne Pioroşenko, ne Zelenskıy, ne de Putin bar.
Mında öksüz qalğan analardan ğayrı kimse yoq.
Bütün dünyada olardan ğayrı kimse yoq.
Bu analarğa o bir dünya küçleri kerekmey, olarnıñ arqasında melekler uça
Bu analarğa qabirlerinden çağırılğan ölgenlerniñ taqımları kerekmey.
Bu analarğa, öz emiyetini añlamaq içün o bir dünya küçleri kerekmey, olarnıñ arqasında melekler uça.
Bu analar oğullarınıñ süretlerini tayaçıqlarda degil, ellerinde alıp kete.
Olar şeñ “Katüşa”nı yırlamaylar.
Olar sükünette yüre.
Bu videonı da, tefsircilerni diñlemeyip, sessizlikte baqıñız.
Bu oğullarını coyğan analar kibi sakin olıp baqıñı.
Rusiye silâsınen öldürilgen.
Rusiye akimiyetiniñ buyruğınen.
Kelmeşek rusiye askerlerinen öz toprağında öldürilgenler.
P.S. “İç savaş” aqqında delliler mayıs 5-inden temelsizdir - Donbassta Ukrainağa qarşı tek Rusiye Federatsiyası vatandaşları cenk ete, tek kimerleri daa pasport alıp yetiştirmedi.
Karnaval bitti, maskalar çıqarıldı.
Mına daa bir video, azçıq uzunca soyu.
Maksim Kobza, qırımlı
«Bloglar» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkü