ABD prezidenti Joe Biden Ukrayınanı ziyaret ete. Bu malümatnı Ukrayına lideri Volodımır Zelenskıy Telegram kanalında resmiy şekilde bildirdi.
Jurnalistler Kyivdeki Mıhaylivskıy kilsesi yanında siyasetçilerni kördi. Kütleviy haber vastaları bildirgenine köre, olar cenkte elâk olğan Ukrayına arbiylerini añdı.
ABD prezidenti 15 yıl içinde ilk sefer Ukrayınanı ziyaret ete – 2008 senesi Ukrayına paytahtını George Bush ziyaret etken edi.
Amerika prezidentiniñ Kyiv ziyareti sebebinden büyük ava telükesi signalı berildi. İçtimaiy ağlardaki malümatqa köre, Beyazrusiyede «Kinjal» gipersesli raketalarını taşığan MiG-31K qırıcıları köterildi.
Ukrayına Tış işler naziriniñ muavini Andriy Melnık telemarafon yayınında «sürpriz» aqqında aytqan edi. «Azırlanğan sürpriz kerçekleşir, dep ümüt etem. İstilânıñ, büyük istilânıñ birinci yılında tek lafta degil, tek birdemlik degil, daa çoq yardım ve müim, baş ortaqlarımıznı Kyivde körmemiz bizim içün müim», – dep qayd etti o.
Fevralniñ 20-nde saba Kyivniñ merkezinde, ABD elçihanesine yaqın ve elçihaneden merkeziy demiryol vokzalına ketken soqaqlar qapatıldı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.