Qırımtatar asıllı ukrainalı yırcı Jamala qazah repçisi Jah Khalib ile «Sevem» («Kohayu») yırını taqdim etti.
«İnsanlarğa yolunı keçmege yardım etken aralarındaki añlatılmaycaq bağ aqqında siiriy bir iş oldı», – dep yazdı yırcı Facebookta.
Jamala, «Sevem» yırı nasıl peyda olğanını «1+1» intervyüsında tarif etti: «Jan Khalib Kyivge solo kontsertine kelgende onı musafir olaraq diñlemege bardım. Meni tanışmağa davet etip, beraber bir şey yapmağa istegenini ayttı – ya onıñ üslübinde, ya menim. Yarım yıldan soñ, sekiz aylıq ağır ayaqlı olğanımda, «Sevem» yırını yazdım ve oña messengerde yolladım. Bundan soñ eşitkeninden şaşqanınıñ fotoresimini yolladı».
Oktâbr ayında Jamala «10» umumukrain turı çerçivesinde çıqış yapmağa başladı. Jamalanıñ programmasında yırcınıñ bütün karyerasından eserler olacaq – You’re Made Of Love debüt müellif yırından başlap platin prodüseri Brian Todd yolbaşçılığında amerikan müellifleri yazğan Solo yañı yırına qadar.
Your browser doesn’t support HTML5
«Seyirci diqqatqa ve sevgige lâyıq» – Jamala yaqındaki tur aqqında (video)
Hatırlatamız, mayısnıñ 22-nde Jamalanıñ Solo yırınıñ yañı video klipi taqdim etildi.
Qırımtatar asıllı ukrainalı yırcı Jamala 2016 senesi İsveçiyada «Eurovisionda» ğalip çıqtı. O, qırımtatar halqınıñ sürgünligini tarif etken «1944» yırını icra etti. Ukrainalı yırcı ğalebe qazanğan soñ 2017 senesi yarış Kyivde keçirilgen edi.