Türkiyeniñ İstanbul şeerinde fevralniñ 11-nde arbiy vertolöt qaza sebebinden qonmağa tırışıp tüşti. Radio Svoboda bildirgenine köre, eñ azından dört asker elâk oldı.
UH-1vertolöti İstanbulnıñ Anadolu tarafında, Çekmeköyde tüşti, dep bildirdi şeer valisi Ali Yerlikaya.
Vertolöt qazası sebebinden yerde kimse yaralanmadı.
Soñki üç ay içinde İstanbulda ekinci vertolöt tüşe – bundan evelki 2018 senesi noyabr ayında tüşti, anda da dört asker elâk olğan edi.
Şeer prokuraturasınıñ ofisinde haber etilgenine köre, vertolöt qazasınıñ sebebi daa belli degil. Tahqiqat başladı.
Fevralniñ 6-nda İstanbulda mesken ev yıqıldı: can bergenlerniñ sayısı eñ az 11 kişi oldı.