Ukrainada martnıñ 3-ünde COVID-19 koronavirusınıñ ilk adisesi qayd etildi. Resmiy malümatqa köre, Rusiyede tasdıqlanğan üç adise bar. Qıtalarda yayılğan Coronavirus infeksiyası ilhaq etilgen Qırımğa alâ daa toqunmadı. Virusnıñ yarımadağa barıp yetmesi yolları nedir, akimiyet qırımlılarnıñ havfsızlığı içün ne yapa ve ne içün ilâchanelerniñ ücum etmesinden fayda yoq olğanı aqqında Qırım.Aqiqat malümatında oquñız.
Qırımda ellige yaqın adam koronavirus şübesi sebebinden tibbiy nezaret altındadır. Bir kün evel Aqyarda, karantinde olğan bir hasta hastahaneden qaçqanını bildirildiler. Laboratoriya teşkerüvi virusnıñ izlerini tapmağanına baqmadan, qadın mahkemeniñ qararı ile "kerekli sayıda laboratoriya teşkerüvlerini yapmaq" içün mecburiy şekilde hastahanege qaytarıldı.
Your browser doesn’t support HTML5
Коронавирус: сбежавшая пациентка и уровень готовности севастопольских медиков (видео)
Qırımnıñ rusiyeli akimiyeti, 2019-nCoV virusınıñ yarımadada peyda olmasınıñve yayılmasınıñ qarşısını almaq içün bir plan azırlağanlarını söyledi. Vesiqağa köre, tedbirlerniñ arasında - antivirus ilâcları yedekleriniñ mevcutlığı, koronavirus şübesi olğan hastalarnıñ hastahanege yerleştirmesi içün tibbiy müessiseleriniñ tayini ve ekimlerniñ ögretilmesi bardır.
Ayrıca, planda hastalarnıñ kütleviy şekilde qabul edilmesi alında tibbiy müessiseleri içün yañıdan azırlanma shemalarınıñ azırlanması, allarnıñ tayin etilmesi içün mobil taqımlarınıñ yaratılması ve laboratoriya nümüneleriniñ Rusiyeniñ Novosibirsk şeerinde yerleşken "Vektor" Devlet İlmiy Virusologiya ve Biotehnologiya merkezine" yollanmasınıñ teminatı közde tutula.
"Büyük telâş yoq"
Rusiye akimiyeti gizlemey: Qırımda sağlıq saasınıñ vaziyeti idealdan pek uzaq. 2019-cı yılnıñ soñunda Qırımnıñ rusiyeli reberi Sergey Aksönov tibbiy seviyesi yarımadanıñ esas problemlarından birisi dep ayttı. Ve 2020-ci yılnıñ başında Rusiye Prezidenti Vladimir Putin ilhaq etilgen Qırımdaki sağlıq hızmetleri "ağır vaziyettedir" dedi. Rusiyeli Qırım Sağlıq Nazirligi, ekimlerniñ yetmemezligini resmiy olaraq tanıdı. Aqyardaki hastahanelerde tıp işçileri yeterli degil.
Qırım.Aqiqat, qırımlılardan anonimlik şartı ile, yarımadada koronavirus aqqında malümatqa ne alâqa olğanını ve tibbiy müessiselerde ne körgenleriniñ söylemelerini istedi. Aqyarda, ilâchanelerde tibbiy maskalar yetmemezligi bar. Mevcut olğanları yerlerde maskalar 35 rublege qadar paalılaştı. Aqyar şeer infektsiya hastahanesinde "koronavirus aqqında malümat ile varaqalarnı astılar" №1 şeer hastahanesinde ise subetdeşlerimiz böyle bir malümat tapmadılar. Aynı zamanda, şeerde "büyük bir telâs yoq, insanlar bunı bir az muzakere ete", soqaqlarda tibbiy maskalarda körünge sadece bir-eki adam bar.
Aqyar şeer infektsiya hastahanesi, 2020 senesi, mart 3
Keriç ve Kefede şeer sakinleriniñ koronavirus mevzusunı az muzakere etkenleri, tibbiy maskalarnen yürgenler az olğanını ve ilâchanelerde maskalarnıñ yetmemezligi olmağanı bildirile. Keriçte, bazı hastahanelerde ve arbiy bölüklerde "maska rejimi"ni küteler. Qırımnıñ cenubiy yalısınıñ şeer-köylerinde virus infektsiyası allarınıñ çoq olğanını bildireler: künde seksenge qadar adam ekimge yazıla, terapevtke ise eki ay ögne yazılalar.
"İlâchanelerni ücum etmekniñ keregi yoq"
Koronavirus aqqında haberlerniñ bolluğı telâş ve atta panikanıñ sebebi ola bile. Biologiya ilimleri namizeti Boris Donskoy bu malümatlarğa raat baqmağa tevsiye ete. O, şahsiy ve içtimaiy gigiyena normalarına riayet etmekni, ictimaiy naqliyatta kontaktlardan vazgeçmekni ve adamlar toplanğan yerlerde bulunmamaqnı tevsiye ete.
Er alda - yanğın, suv basuvı ya da epidemiya olsun - telâsnıñ aqibetleri zararlı olaBoris Donskoy
"Er alda - yanğın, suv basuvı ya da epidemiya olsun - telâsnıñ aqibetleri zararlı ola, onıñ içün telâşlanmaq - yapılacaq şeylerden eñ yaramayı. Şimdilik profilaktik aşılavlar olmağanı içün, ayrı mahsus bir tedaviylev yoq ve ilâchanelerni ücum etmekniñ de faydası yoq", - dedi Boris Donskoy.
İmmunolognıñ sözlerine köre, kündelik ayatta gripp profilaktikası qaidelerini qullanmaq mümkünm çünki tevsiyeler aynı. Ekspert gripp ve başqa infektsiya hastalıqlarından aşılanmaqnı tevsiye ete: "Koronavirusnen bir şey yapıp olamasaq, başqa infektsiyalarnen yapa bilemiz".
Malümatname: 2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile. Hastalarnıñ çoqusı tedaviylene.