İlhaq etilgen Qırımnıñ Rusiye prokuraturası İlk küzniñ 9-nda bildirdi ki, "Qırım Cumhuriyetiniñ Yuqarı mahkemesi" Sovet rayonınıñ 27 yaşındaki sakinini qabaatlı tanıdı. Rusiye Federatsiyasınıñ Ceza kodeksiniñ 275 maddesine istinaden (devlet hainligi) 21 yıl sert rejimli koloniyada qalmasına üküm etildi, 400 biñ ruble para cezası berildi ve 1 yıl 10 ayğa azatlıqtan marum etildi.
Rusiye tahqiqatınıñ versiyasına köre, 2022 senesi yazda erkek SBU vekiline muracaat etti ve "kurator"nıñ emri ile yüksek vazifeli şahısnı öldürmek azırlığında iştirak etti: icracığa para, silâ ve patlayıcı aletlerni bermek kerek edi. Onı FSB hadimleri tutıp aldı, vazifesini o yerine ketirmedi.
Daa evel bu adam 12 yıl sert rejimli koloniyada qalıp, bir yıl azatlıq sıñırlavı ve 350 biñ ruble para cezasını alğan edi. O, cinayetke azırlanuvda yardım etüv, silâ ve patlayıcı aletlerniñ qanunsız qullanuvı maddelerine istinaden qabaatlandı.
FSB versiyasınıñ mustaqil teşkerüvi yoq. Rusiye müessiseleri mahküm etilgenniñ adını aytmay. İmaye tarafı prokuraturadan alınğan beyanatqa izaat bermedi.