İsrail Gazzedeki mektepke darbe endirdi. Reuters «Hamas» (ABD ve AB terroristik dep tanığanlar) kontrolindeki Gazze akimiyetiniñ malümatına esaslanıp yazğanına köre, 100-den çoq insan can berdi.
İsrail mektepke qarşı darbeni tanıp, anda «Hamasnıñ» komandanlıq merkezi bar edi, dep bildirdi. İsrail qaçaqlarnıñ ölüminden «Hamas» mesüliyetli ola dep, onı mektep ve mesken yerlerni bazaları içün qullanğanında qabaatladı.
Darbe İsrail ve «Hamas» arasındaki zıddiyetniñ on ayı içinde eñ çoq ölüm sebebi oldı, dep qayd eteAssociated Press. Mektepte cenk sebebinden evlerini terk etmege mecbur olğan filistinliler bulundı. Şaatlarnıñ aytqanına köre, darbe insanlar saba namazını qılğanda tenbisiz endirildi. Eki raketa oldı, dep aytıla.
İsrail Gazzede «Hamasnıñ» 2023 senesi oktâbrniñ 7-nde memleket cenübine qarşı ücümine cevap olaraq arbiy operatsiyanı keçire. O vaqıt 1200-den çoq barışıqsever sakin öldürildi, 250-den çoq insan esir alındı ve Gazzege çıqarıldı. Kampaniyanıñ maqsadı olaraq «Hamas» bütünley yoq etilüvi» ilân etildi.
«Hamas» kontrolindeki Gazze sağlıq nazirliginiñ malümatına köre, İsrailniñ ücümleri neticesinde aman-aman 40 biñ filistinli elâk oldı – esasen qadın ve balalar. Bu malümat mustaqil menbalarda tasdıqlanmay. 2,3 milliondan aman-aman eki millionı qaçaq oldı ve Gazze cenübinde lagerlerde qala.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.