İspaniyada eki trenniñ çatışması neticesinde elâk olğanlarnıñ sayısı 68-ge qadar arttı, dep bildirdi yerli akimiyet.
Qaza oktâbrniñ 28-nde saba Kastiliya-La-Mança merkeziy regionında Madridni cenübiy region olğan Andalusiyanen birleştirgen demiryolda oldı: Renfe operatorınıñ treni yolda turğan başqa trenniñ – Iryo taşıyıcısınıñ – quyruq qısmına uruldı.
Qurtarıcılar elâk olğanlarnıñ cesedlerini tapmaq içün bozulğan vagonlarnı teşkermege devam ete.
Qazanıñ sebebi belli degil. Naqliyat naziri Oskar Puente çatışmağa yol aça bilgen "hata" ve "añlatılamağan sebepler" aqqında bildirdi.
Puente, tahqiqat sebep insan hatası olıp olmağanını teşkerecek. İspaniyada matem ilân etildi.
Baş nazir Pedro Sançes televizion muracaatında qazanı "qorqunç facia" dep adlandırdı ve tahqiqat keçirmege söz berdi. Onıñ aytqanına köre, doquz ay içinde İspaniyada olğan eki büyük tren qazası "qabul etilemez".
2026 senesi yanvarniñ 18-nde aynı Madrid — Kordova süratlı qısmında Malagiden Madridke ketken Iryo şirketiniñ treni Adamus şeeri yaqınlarında yoldan çıqtı, vagonlar qomşu yolğa tüşti, anda ise Renfe treni kete edi. Qaza neticesinde 46 insan can berdi.
Your browser doesn’t support HTML5
В Іспанії зіткнулися два швидкісні потяги, загинули десятки людей (відео)